A pasal duhthusam hnuhnung ber a tih hlawhtlinsak theih avangin a hlim tak zet a ni.
Kum 2018 liam tawh ah khan Army Officer, Nayak Deepak Nainwal chu Kulgam, Kashmir a helpawl terrorists te nen an inbeihna ah vanduai zingah tangin a inhliam a, damdawiin ah ni 40 lai enkawlna dawngin mahsela a hliam tuar zo lovin a boral ta a ni.
Nayak Deepak Nainwal boral atang a kum 3 a liam hnu ah a nupui Jyoti Nainwal chuan Indian Army a zawm a, kum 32 a upa Jyoti hian a pasal duhthusam ti hlawhtling turin a fate leh a chhungte hlatah Chennai a Officers’ Training Academy ah thla eng emaw chen training a nei a ni. Inrinni mai khan Indian Army lamah lieutenant dinhmun a chelh.
Newly commissioned Indian Army Officer at OTA, Chennai, Veer Nari, Jyoti Nainwal, mother of 2 children is the wife of Naik Deepak Nainwal, who died after being shot while serving our nation in Indian Army operations in J&K in 2018.@SpokespersonMoD @Def_PRO_Chennai @PIB_India pic.twitter.com/TcaTgsCv3q
— PIB in Tamil Nadu 🇮🇳 (@pibchennai) November 20, 2021
Passing Out Parade ah hian Jyoti hi a fate 2 chuan an telpui a, Press Information Bureau ten Twitter ah Video an phochhuah chu Share a hlawh zui hle. Jyoti pasal Deepak hi terrorist nen an inbeihna ah a zang (spine) leh awm (chest) ah silai a kah a ni a, damdawiin a enkawl a nih lai pawh in a nupui hnen ah Army zawm ve tura a duh thu a lo hrilh.
“Silai a ka pasal kah a nih khan a taksa hnuai lam te chuan hna a thawk tha mumal lo. Delhi damdawiin a ni 40 chhung kan in enkawl lai khan Army zawm ve ka duh leh duh lo min zawt a ni. Indian Army te chungah ka pasal duhthusam hnuhnung ti hlawhtling thei tura hun remchang min pek avang in lawmthu ka sawi duh” tiin Jyoti hian Times Of India te hnen ah a sawi. A pasal damdawiin a enkawl a nih laiin Indian Army ten an mi leh sa an ngaihtuahzia a hrechiang hle a, a nu thurawn ngaichang leh a pasal duhthusam te hre reng chungin Army hi a zawm.