Mizo Elite News hi ṭha i tihzawng a nih chuan min lo Follow dawn nia

Rally a hmachhawn vawikhatna ah Kanye West biangah mittui a luang, Khawvel eng a hmuh loh ṭep thu leh a fanu nunna a lak ṭep thu a sawichhuak

Kum 43 a upa Rapper, Kanye West chuan US President inthlanna ah chuh a tum tih chu kan hre ṭheuh tawh ang. North Charleston, South Carolina a Exquis Event Centre ah Presidential Campaign atan a vawikhat nan rally a nei a, insum zo lovin a biang ah mittui luang in a ṭap chhuak.

Kanye West hian Rally ah hian abortion chungchang sawiin nau tih tlak a ṭhat loh zia a auchhuahpui a. A nupui Kim Kardashian nena an fanu North an pai khan tih tlak duhna rilru a nupui Kim Kardashian in a pu a, a kutah damdawi a hum hial hman a ti.

North hi an inneih hma khan an puk lawk a ni a, Kim Kardashian in a rai tih a hnena a hriattir tirh chuan Kim K pawh a lo ṭap hial a, hetia nau tihtlak chungchanga an nupa rilru fim lo tak an put mek lai hian Paris Apartment ah Pathian aṭang an fa hi paitlang turin hriattir a ni. A nupui Kim K hnen ah chuan naute hi an neih ngei tur thu a hrilh ta a North hi piang in khawvel eng a hmu. A fanu nunna chu a lak teuh hman hle thu alo sawi a ni.

A fanu tihtlak chungchang bakah hian ama chungchang ngei pawh a sawi tel a. A nu Donda West chu a nun chhanhim tu a ni a ti. “Ka pian hma in ka pa in piang lo turin min duh a, tih tlak min tum. Mahsela ka nu in ka nunna min chhanhim sak a ni. Chu ti nilo se chu Kanye West hi a awm lo ang a khawvel eng hi a hmu lo ang” a ti bawk a, Rally ah hian pa chang meuh pawh a ṭap pur mai.

Kanye West an rally a a thusawi hian mak tih pawh a hlawh ang reng a, an chhungkua leh a ma mimal chungchang a sawi nasa. Chenna in nei lo kawngsir a khawsa ṭhin te pawh a vei thu leh a ngaihtuah thu a sawichhuak tel a, hei hi Pathian laka a rawngbawlna a ti. Kanye hian an chhungkua a phawrh nasa hle bawk si a, a nupui Kim K hian engtin takin ngai ang maw.

People