Mizo Elite News hi ṭha i tihzawng a nih chuan min lo Follow dawn nia

Raipuar Nurse Chu Coronavirus Vangin Thi, A Fa Nunna Erawh An Chhan Hman

Nurse pakhat Mary Agyeiwaa Agyapong, 28 hi April 7 khan Hospital ah admit a ni a, Coronavirus a vei. A dinhmun chuan ṭhat lam aiin zual lam a pan zel.

A natna a zual zel vang chuan Emergency caesarean tih a ni a, a naute chu an chhan hman. Mahsela fa a neih hnu tun Easter Sunday khan Luton and Dunstable Hospital ah a boral.

A fanu piang hi Coronavirus a vei leh vei loh hriat a la nilo. Bedfordshire Hospitals NHS Foundation Trust chuan Mary Agyapong hi an nurse zinga mi a nih thu a nemnghet a, March 12 thleng khan Hospital ah hian a thawk. Kum 5 lai nurse hna hi a thawk a, Ward 12 na ah thawk ṭhin in Mary pasal hi a inkhung hrang mek bawk a ni.

A pual hian a chhungte chhawmdawlna turin GoFundMe account an siam a, £55,000 chuang an hmu tawh ni. A thawhpui Renai Mcinerney chuan tribute na hun a rawn hmang a, a lung a chhe hle nghe nghe. Mary hi a hnathawhpui dang te pawn nurse ropui leh chhuanawm tak a nih thu an sawi ve bawk.

DM