Mizo Elite News hi ṭha i tihzawng a nih chuan min lo Follow dawn nia

Raipuar Anga Lemchangin A Ṭhiannu Puma Naute A Zaichhuah Sak

Texarkana, Texas a hmeichhe pakhat Taylor Parker, 27 tia koh chuan naute pai anga lemchang in a ṭhian nu raipuar mek pum chu a zai a, a naute a phawrhsak tih hriat a ni.

A thah tak hmeichhia hi Reagan Simmons Hancock, 21 a ni a, Simmons hi thah a nih lai hian chawlhkar 34 a upa naute a pai mek.

A nu chuan Simmons hi an in ah thisen tam tak chhuak chungin thi in a va hmu a, chhuat, bang leh furniture ah te thisen kai in Paramedic te an thlen hnu ah Simmons pum chu thuk deuh takin a in zai tih hriat a ni a, a naute pai chu alo awm tawh lo bawk.

Parker hian a ṭhiannu naute a zaichhuah hi chhan tum in a malchungah CPR te pek a tum a, naute hi a laihrui pawh a la chat lo. Trooper chuan Parker in naute a sawngbawl lai hi alo hmu.

Naute hi Oklahoma hospital ah a thi tih an puang. Doctor te chuan Parker hian naute a nei reng reng lo an ti. Oklahoma State Bureau of Investigation te damdawiin ah Parker hi thu zawtfiah turin an kal nghal.

Investigator hnen ah a rai loh thu leh Simmon puma naute chu a zaichhuah thu a puang a, naute chu a fa anga a neih theih a beisei. Investigator te hian Parker bakah a bialpa pawh thu an zawtfiah bawk a, a bialpa chuan amah leh a ṭhian dang te hnen ah Parker hi rai ang char char a alo insawi thu a hrilh. Gender reveal party te an nei tih a sawi tel. Parker hi Bowie County ah hrengin $5 million bond siam a ni.

The Sun