Mizo Elite News hi ṭha i tihzawng a nih chuan min lo Follow dawn nia

Rahul Leh Priyanka Te Hathras A Hmeichhe Pawngsual Rawna Boralta Chhungte Nen An Inhmu, Mittui Nen A Chhungten Lo Lawm

Hathras a hmeichhe kum 19 mipa 4 rual ten pawngsual rawn a boral ta chhung te hmu turin Congress leaders Rahul Gandhi leh a farnu Priyanka Gandhi te chu an kal a, Inrinni khan chhiat tawk chhungte nen hmaichhan ah an inhmu.

Lungchhe tak in mittui nen Rahul Gandhi leh Priyanka Gandhi te hi tuartu chhungte chuan an lo lawm a, Dalit hmeichhia te tan dikna sualchhuah an tum tih an sawi bawk.

“He thil fello leh diklo takah hian dikna kan sualchhuak ngei ang” tiin Priyanka chuan victim chhungte nen an inhmuh hnu hian reporters te hma ah a sawi.

Rahul Gandhi pawh a ngawi mai mai thei bik lo a, he thil thleng rapthlak tak hian a ti thin ur hle. Tuartu chhungte au aw hi eng thuneihna mahin a khap daih sak theih loh thu a sawi ve bawk.

Tuartu chhungte nen an inhmuh hma ni hian Rahul Gandhi leh a farnu Priyanka Gandhi te chu Ningani khan Hathras ah Dalit hmeichhe pawngsual rawn chhungte hmu tur hian an lo kal tawh a mahse Yamuna Expressway kiang ah UP Police te nen innawrbuai in Rahul Gandhi te unau hi Police lam in an lo man a ni.

“Priyanka chu ka kiangah ṭhu in ka fanu chunga thil thleng leh a thihdan te chu min zawt a, vuina an neih dan pawh min zawt. Rorelna dik hmuh a nih ngei theih nan an theih ang anga hma la turin min tiam bawk a ni” tiin victim hringtunu hian a sawi. A unaupa pawh in Rahul te unau hian beiseina thar pe in an chhungkua a thlamuan tak zet tih a sawi a ni.

Rahul Gandhi te unau hi senior party leaders K.C. Venugopal, Adhir Ranjan Chowdhury leh P.L. Punia ten an ṭawiawm a, Chhiat tawk chhungte in a an lawi luh hian khaw mipui tam tak te pungkhawm in pawn lamah venhimna ṭha tawk tak dah a ni bawk.

TOI