Mizo Elite News hi ṭha i tihzawng a nih chuan min lo Follow dawn nia

Putar Pakhat Chu Hri Vang Nilo In Hlauhthawnna In A Man Zawk Vangin Nunna Chan

Hri vang kher nilo in hlauhthawnna in a man vang zawk in a nunna hlu tak chu a la. Hetiang hi khawvel hmun ṭhenkhat ah a thleng nasa hle nghe nghe.

Putar kum 83 a upa Dennis Ward hian Covid19 hri chu a vei ve a hlauh lutuk luat ah hri kai ai chuan thih a thlang zawk a, Inrinni khan an chenna Kings Norton, Birmingham ah a intihlum.

Dennis Ward hian hri in a khawvel pum tuam a mitam tak an buai mup mup chu a zo lo a ni ber. Hri hi a la tawp mai dawn lo tih pawh a hria a, a hma ang khan khawvel hi pangngai taka awm in ngai a awh leh thei tawh dawn lo nia a rin vangin a nunna hi a la ta tih a tupa James Parnaby chuan a sawi a ni.

Dennis hi Coventry ah seilian in mahsela Kings Heath area of south Birmingham ah a inbengbel ta zawk. Castle Bromwich a Jaguar Land Rover ah hna a thawk a, a nupui Valerie Ward nen kum 60 lai an innei ve tawh.

A tupa hian a pu hi tunhma in Depression ang chi hi a nei miah lo a ti a, a pu vang hian Mind Mental Charity buatsaih in fundraising campaign a nei nghal. Mitam tak lockdown lai hian mental health lamah buaina tawk an awm ṭeuh a ring a hetih hun chhung hian chenpui te nena in pawh leh inkawm ho a pawimawh zia uar takin a sawi.

DM