Mizo Elite News hi ṭha i tihzawng a nih chuan min lo Follow dawn nia

Pune A Christian Nu Pakhat Chuan Covid19 Vanga Thi Te Ruang An Lak Loh Te A Phum Ṭhin

Pune ah hian hrikai an tam hle a, India ram COVID hotspots ah a awm mek a ni. Hrivei damlo ten nunna an chan a, ruang ṭhenkhat te chu hlawm tu awm lo in hlamchhiah a ni.

Covid19 vanga thi ta te ruang hlawm loh leh hri an vei vanga an chhungte an hnaih phalsak loh ruang te bawisawm tur hian hmeichhe huaisen volunteer worker, Sagai Nair (kum 47) chu ke a penchhuak. He Christian nu hian PPE Suit inbelin kutkawr leh mask a vuah bawk. Coronavirus vanga thi ta te chu Salisbury Park Missionary Cemetery ah vuina hun hmangin an ruang a phum.

Sagai Nair hian hri vanga thi mi 30 lai te chu sawngbawl in ambulance hmangin thlanmual lam a panpui. Christianity in a tarlan dan in Sagai Nair hian amahin thlan a laiin ruang te hi a phum ṭhin.

A hnu ah Nair hi NGO a volunteers dang te chuan an puibawm tih a sawi. A thil tih vang hian mitam takin an fak zui nasa hle bawk. Vuina neih zawh hnu hian PPE leh sanitise te chu an lo hal leh ṭhin a ni.

Nair hian fanu kum 6 a upa a nei bawk. A pasal pawh in vuina hun ah hian a zui ve bawk. Thla 3 lai chu ruang phum in hun a hmang tawh. Nair hian diabetes leh hypertension te a nei chungin a thil tih hi a ṭhulh phah chuang lo.

IT