Mizo Elite News hi ṭha i tihzawng a nih chuan min lo Follow dawn nia

Puitling Film Changtu Lar Tak Ṭhin Mia Khalifa Chu Beirut Ṭanpui Turin Ke A Penchhuak

Mia Khalifa hi puitling film industry ah chuan lar ber zinga mi a tih theih awm e. A tam zawk te pawh in in lo hmelhriat ngeiin ka ring.

Mia Khalifa hian tunhnai mai a Beirut a chhiatna thleng kha pawi a ti in nunna chan leh hliam te chu a tuarpui hle. Kha chhiatna thleng ah khan mi 100 aia tam in nunna chan in sang chuangin hliam an tuar a ni.

Tuartu (Victim) te a ṭanpui theih dan kawng dap in a tarmit chu Beirut chhiatna thleng tuamhlawmna turin lilam (auction) na a nei.

Mia chuan a tarmit hi eBay kaltlangin lilam na a nei a, Thawhlehni thleng khan bid hian US$100,000 a pel tawh, auction hi Pathianni chawhnu ah khar a ni dawn. Pawisa a hmuh te hi Red Cross ah chhunluh a ni ang. A tarmit hi tarmit satliah mai mai a nilo a he tarmit hi video a channa hrang hrang ah a lo bunchhuak tawh ṭhin a ni.

Hei vang hian ngaihven a hlawh zual a, ngam sang tak tak pawh an tam ngang mai. Amah Mia hi Beirut a piang a ni bawk.

Online ah chuan ‘The infamous Mia Khalifa glasses, the og’s!! – auction to 100% benefit Lebanese Red Cross’ tiin a dahchhuak. A condition ah chuan “used & abused” tih a ni deuh tawp.

Mia Khalifa tarmit hi i duh ve a nih chuan i ngam san viau phawt chu a ngai ang.

Globalnews