Mizo Elite News hi ṭha i tihzawng a nih chuan min lo Follow dawn nia

Puithiam In A Hrilh Vangin A Nupui Raipuar Mek Pum Kha A Zai Thlêr

Puithuna thil tak ring nghet bur pawl hi an la awm ṭhin. Puithiam thu sawi chu a dik nge dik lo tih a fiahna lamah a nupui hliam a tuar tir phah ta hrep alo ni.

Ram ṭhenkhat ah chuan mipa nilova hmeichhe neih hi thil zahthlak leh tlawm thlak ah an ngai. Puithiam in a hnen ah thu lo hrilhin a nupui chuan hmeichhia bawk a pai leh tih a lo sawi a, puithiam thusawi chu a dik ngei em tih a hriat duh vangin a nupui raipuar pum kha favah in a zai thlêr sak ta a ni.

Bareilly, India a thil thleng kha a ni a, hepa hian hmeichhia neih leh chu a hlauh in a hlau hlur tawh. Hmeichhia neih leh ai chuan khawvel eng hmuh tir loh law law a tih tlak mai a thlang zawk.

A pasal kut tuar hian thisen nena inchiah piah in a nupui hi hmuh a ni a, a puma naute erawh vanneihthlak takin a dinhmun a ngaihtuahawm hran lo a amah zawk hi a kawchhung lam ah hliam tuarin thisen a put nasa hle an ti. A pasal hi Section 307 hnuai ah tualthah tum thubuai siam sak in an man.

Mi thusawi zawng zawng hi an nihna leh dinhmun vang ringawt te in pawm vek kher loh tur. Fate nihna (gender) tur chungchang ah thuneihna mihring lam in a neiloh angin naute piang chu mipa emaw hmeichhia emaw pawh nise fate an nihna a bo phah dawn chuang lo.

WOB