Mizo Elite News hi ṭha i tihzawng a nih chuan min lo Follow dawn nia

PUBG Vangin Nunna Chan An Awm Phah Leh

Fiamthu thawh nan te hman a ni ṭhin tak na in tuichilh leh atchilh zualkai bik tak tak te chuan an lo la thu tak ṭhin viau. Game mai mai tia ngaih ho vak chi a ni lo.

India ramah Online Games lar tak PUBG khap a ni a nunna chan phah hriat tur a awm zui nghal.

West Bengal Nadia district ah zirlai mipa kum 21 mi Pritam Halder chu PUBG Ban a niha khelh theih a nih tawh loh vangin ama nunna ngei a lakphah a, a room ceiling fan ah a inawkhlum.

Pritam Halder hi ITI student a ni. Kal kalta zirtawpni khan Purba Lalpur, Chakdaha police station area a an chenna ah hian alo inawkhlum a ni.

Zing ah tukṭhuan a eikham hnu in a room ah a luh nghal thu a nu Ratna chuan a sawi. “Lunch ei tura ka koh chuan chhung lamah a kalh tlat a vawi tam ka ben chiam hnu pawn kawng min hawn lo. Ṭhenawm te ka pun a,kawng khar tichhia in room kan luh chuan ceiling fan ah alo inkhai reng tawh” a ti.

Police ten case hi an register nghal. A nu Ratna chuan a fapa hian PUBG khelin zan tin hun a hmang ṭhin a hetia sorkar in an khap hnu hian hrehawm a ti hle tih a sawi. A intihhlum chhan ah hian engdang nilovin PUBG hi a puh ta ber a ni.

Police te pawh in a chhungte an zawh hnu ah PUBG Ban a nih vanga intihhlum a nih chu an pawm. Government lamin Nilaini liam ta khan PUBG hi India ramah an khap.

Pritam pa hi Army retire tawh a ni a, a nu hi homemaker a ni. Pritam bakah hian fanu an nei bawk.

Mint