Mizo Elite News hi ṭha i tihzawng a nih chuan min lo Follow dawn nia

PUBG Vanga Chaw Leh Tui Nghei In A Thih Phah

Mobile Game vang in chhungkaw tam tak ah harsatna a thlen phah. Games hi khelh tur a siam chu a ni meuh mai a mahsela hun zawng zawng senral a hna ber atan neih tur erawh a nilo.

Andhra Pradesh a rawlthar pakhat chu PUBG Game ngawl a vei a, chaw leh tui nghei phah in a hun zawng zawng chu Games khelh nan a hmang ṭhin. Hei vang hian a nunna a chan phah.

Coronavirus vanga lockdown chu he tleirawl hian an chenna in ah Online Games khelh nan alo hmang ngat ngat a. A bikin PUBG chu a khelh nasat ber a ni.

Games a addict vang hian thil ei leh in te chu a theihnghilh phah a, tui pawh in lem lo in chaw pawh a nghei phah ṭhak ṭhak ṭhin.

A taksa erawh in a lo duh lo hle. Chaw leh tui te a nghei vang chuan dehydration a tawk a, a damlo. Eluru Town a private damdawiin ah a chhung ten an kalpui a, kawṭhalo (diarrhoea) nasa tak a nei bawk nen enkawl lai in damchhuak zo lovin a boral phah ta a ni.

Mipa naupang hi West Godavari district a Jujjulakunta village, Dwaraka Tirumala Mandal a mi a ni.

Games vang hian hmun hrang hrang ah harsatna a lo thleng tawh ṭhin. Pakistan pawh in mipui aṭang complaint an dawng vangin PUBG hi an lo ban tawh nghe nghe.

India.com