Mizo Elite News hi ṭha i tihzawng a nih chuan min lo Follow dawn nia

PSG Zawm Turin Messi A Inpeih Tawh?

Barcelona ten an Player chhuanvawr Lionel Messi sezawl chhuah an tum tawh tih an puan atang Football khawvel a nghawr nghing nasa a, Fans ten Messi dinhmun engtin nge ni zel ang tih ngaihtuah reng rengin a chanchin an ngaihven zui reng.

Club lian dang thenkhat te nen Messi hi sawizawm a ni chho mek. Media te lah chuan Messi awm zel dan tur chu chaw tui ber ah an nei ve bawk a.

Report in a tarlan dan atang Lionel Messi hi Manchester City te ai in PSG ah a buk rit zawk ta tlat. MailOnline te tarlan dan in Paris Saint-Germain chuan Lionel Messi hi tunkar ah ngei kum 2-3 daih inremna ziahpui an tum tawh a, belchhung a sa ang a ni tawh e an ti ta mauh mai.

Messi pa Jorge pawh in PSG zawm turin a fapa hi a rem ti a, a man erawh a tlawm dawn lo an ti. Ballon d’Or winner vawi 6 lo ni tawh Messi hian PSG boss Mauricio Pochettino chu mimal takin a be tawh tih thlengin sawi rik a awm a, PSG president Nasser Al-Khelaifi hnaih tak Khalifah Bin Hamad Al-Thani chuan hemi chungchang hi indawrna neih tawh a nia, Official tak in puanzar thuai a ni dawn tih a sawi.

Tin, hei mai bakah Messi hian PSG a zawm a nih ngat chuan PSG playmaker Neymar an Jersey a hak lai Number.10 chu Messi hnen ah hlan in a pe phal tih sawi rik a ni. Messi hian a thian tha te atang PSG zawm turin thlem tu pawh a nei tha ang reng. PSG te hian sum an ngah tawk bawk a Messi lakluh nan hian an inren vak a rinawm hran lo.

Paris khawpui ti hmingthang tu ber Eiffel Tower pawh Messi tan liau liau hian PSG in an hauh fel sa diam tawh a, ropui taka lawmluhna hun hman an tum tih Media ten an ziak kur nasa ta.