Mizo Elite News hi ṭha i tihzawng a nih chuan min lo Follow dawn nia

Priyanka Chopra in tun hun thleng tura a beih nasat zia a sawi, “tumah in an en loh movie chan pawh ka nei thin”

Milar leh khawvel huap a hlawhtling tak te hian an hlawhtlinna phen ah hian harsatna hrang hrang an paltlang fo thin a, an hlawhtlinna ngawr ngawr chauh nilo hlawhtling tur a an beihna kawng bum boh tak te hi chona thar min pe tu atan hian a tha thin hle.

Bollywood Actress hlawhtling tak, tuna khawthlang ram thlenga boruak nei lian Priyanka Chopra hi a hlawhtlinna kawng zawh ah hian zum leh hriam karah hun hmang in, mittui tlak chang pawh a ngah. Amah ngei pawh in a vun rawng vang te a hmuhsitna leh diriamna hrang hrang tawk in Movie thenkhat ah phei chuan petchhuah hial a tawk tih a sawi.

Vogue Australia hnen a inbiangbiakna a neih tum in White Tiger star hian a nun hlui a phawrhchhuak leh a, “tumah hi hlawhtlinna kawng ringawt an zawh reng thei lo. Vawi tam tak ka chak lo fo a, mi tumah in an en loh leh thlir ngai loh movie chan pawh tam tak ka nei a ni. I hlawhchham hnu ah engtin nge nang ve. Kei chuan hlawhchhamna hi hlawhtlinna kailawn min rah tir tu in ka ngai. Hringnun hi leilawn ang mai tawp chin nei lo ang hi a ni” tiin a sawi.

Priyanka hian Asian mite hi midang te aia inzir leh taihmak a ngaih zia te, chhuan lo la awm leh zel tur te tana kawng sialtu nih ngei a tum thu a sawi bawk a. Mainstream leading lady atan Asian ngei hmuh a duh thu a sawi.

Priyanka hi talent nei tha tak niin Miss World atang zai leh lemchan thleng in a ti thei. Tunah phei chuan Hollywood zingah pawh lar ber te zinga chhiar tel a ni ve ta hial a ni.