Mizo Elite News hi ṭha i tihzawng a nih chuan min lo Follow dawn nia

Priyanka Chopra in New York ah a Restaurant Sona a tlawh

Bollywood leh Hollywood actress, Priyanka Chopra chu London lama hun eng emaw chen a cham hnu ah New York khawpui ah a kir ve leh tawh.

Kum 39 a upa Priyanka hian New York ah a let hnu in a dawr hawn Sona Restaurant ah a hmel hmuh a ni nghal thuai a, green knit top leh blazer inbelin Manhattan’s Gramercy a Sona thingpui dawr ah a lawi lut ani.

Sona Restaurant hi kum in March khan Priyanka hian a hawng thar a, hetah hian khawthlang lam ei tur nilovin Indian food zawrhchhuahna tur bika tih ani. Priyanka hian India mite New York a an zinthlak hunah awlsam zawk a Indian food lam chi ei tur an hmuh zung zung theihna turin kawng alo sial sak a nih hmel khawp mai.

Sona a tlawh hma deuh lawk hian an nupa uite duat Diana Chopra Jonas tia a hming an sak hruaiin Midtown Manhattan ah hian hmuh an lo ni bawk a, a pasal Nick Jonas ai ah Big Apple ah hian bodyguard in Priyanka hi a zui tel.

December 22 a US/UK theaters a chhuah tur ‘The Matrix Resurrections’ ah a inlan dawn a. Film thar buaipui hian United Kingdom ah hun eng emaw chen a lo awm chilh ani.