Mizo Elite News hi ṭha i tihzawng a nih chuan min lo Follow dawn nia

Priyanka Chopra i’n khawthlang ram ah a huang a zauh chho zel

Miss World atang Acting ah a hlawhtling em em a, chutin Music ah pawh a duai chuang lo. Indian chhulchhuak Priyanka Chopra hian thlengsang zel tur in amah ah theihna nasa tak a awm a ni.

A Indian puite tan Priyanka Chopra chuan a huang a zauh belh chho hret hret zel a, New York khawpui lunlai ah tak Restaurant thar a din ta rup mai.

He Restaurant hi tlangzarh a la ni chiah lo a, tun thla tawp hian hawn tan tur a tih a ni. A hming atan Sona tia vuah a ni a, Indian ei tur tuihnai tak tak te chhawpchhuah thin a ni ang.

Restaurant thar hawn turah Priyanka pawh a phur hle nghe nghe a, a pasal Nick Jonas nen an Puja lai thlalak te a phochhuak. “In tan a Sona ka chhawpchhuak thei tur hi ka phur tawh tak zet” a ti.

Mahni tawkah a buai em em a, Film Industry ah theihtawp in a in hmang reng tho. A inlanna thar ber chu digital film “The White Tiger” kha a la ni rih a, Project thar hmachhawp a la nei mek. Upcoming romantic drama movie ‘Text for You’ ah a hmel a inlan leh dawn a ni.