Mizo Elite News hi ṭha i tihzawng a nih chuan min lo Follow dawn nia

Priyanka Chopra In A Pasal Nen An Inkar Nghehzual Theih Chhan A Sawi

Kum 10 zet an inkar ah a tla a, Nick Jonas aiin Priyanka Chopra hi a upa zawk bawk. Heti chung hian nupa inngeih leh in hmangaih tak an ni chhunzawm reng.

Priyanka hi tunhnai ah a pasal nen inthen tur angin sawi thawm a ri hluai a. Thu thang hi belhchian dawl lo a nih zia amah ngeiin sep sep awm chu a hmet mit nghal thuai bawk.

Priyanka hi lemchan khawvel ah hmasawn  zel in rahbi a rap sang chho mek. Hna thil ah a pasal Nick Jonas nen pawh duh ang in hun an hmang tam theilo a, an awm tlang tha thei meuh lo. London lam ah Peecee hi a upcoming series ‘Citadel’ buaipuiin hun eng emaw chen a thang.

Chhungte leh a pasal Nick Jonas te hlat a rei tak awm chu Priyanka Chopra chuan hrehawm a tih zia InStyle’s Ladies First With Laura Brown podcast ah a sawi a, mal ngawih ngawih a a inhriat thu a hrilh. Mahsela hna thila an awm hrang chu chona a nih tel bawk thu a sawi a ni.

A nu leh a unaupa te India ah an awm a, a pasal lah America ah a awm daih si. London ah hnathawh tur a nei si te chu hun hrehawm a tawn chang a awm tih a sawi. Amaherawh chu Peecee hian a pasal Nick Jonas nen an long-distance relationship a sawi chuan Nick Jonas hi a fak hle.

Nick Jonas hian a hnathawh chungchang ah a hriatthiam zia a sawichhuak a. Hun an hmandun theih loh pawn an thinlung hmun khat ah awm in an thil tih ah hmasa ber ah an in dah thin. An career ah theihtawp an chhuah a, an mimal nun nen an dipdal tir lo. Inhriatthiam tawnna chu harsa karah pawh an nupa inkara hlimna thlen tu leh sawhnghet tu in Peecee hian a ngai nghet hmiah.

Peecee chuan London a a cham chhung hian a pasal Nick chuan a tlawh ve thin thu pawh a sawi a, a duat thiam zia bakah pasal tha ber a nih thu te in a fak nasa hle a ni.