“Twilight” changtunu Kristen Stewart chu Princess Diana biopic “Spencer” ah Diana angin a inlan dawn tih kan hre theuh tawh a, Diana anga a rawn inthlak danglam chu hmuh pawh a nuam khawp mai.
Kristen Stewart hi tun Zirtawpni khan Frankfurt, Germany a hotel ah an Film thar tur buaipui in hmuh a ni a, Diana anga a sam ti chhing in iconic blonde locks a pu chhuak ta va va mai le.
Film buaipuina a mi thlalak hmuh theih chinah Stewart hian tukverh in hawng ah a bag dum keng chungin hmuh a nia, a hnu ah Schlosshotel Kronberg a chhuahsan. Spencer ah hian 1991 a Sandringham ah Christmas weekend chungchang min hmuh dawn a, Princess Diana in a pasal Prince Charles then tura thutlukna a siam thlengin hmuh a ni ang.
Spencer hi film siamtu lar Pablo Larraín hnuaia buaipui a nih vang hian beiseina pawh a sang hle a, Pablo hi 2016 a Jackie Kennedy biopic Jackie lo direct tawh tu kha niin Jackie vang hian a changtu Natalie Portman pawn Best Actress Oscar nomination hial a hmuh phah.
Pablo hian Spencer film hian ngaihven a hlawh ngei pawh a ring a, Diana leh a pasal Charles te hmangaihna kawng zawh leh a fate Prince William leh Prince Harry a hmangaihzia te tarlan ni dawn mahse Diana thih dan lungchhiat thlak tak erawh kha chu telh a ni dawn lo tih a sawichiang tawh.
