Mizo Elite News hi ṭha i tihzawng a nih chuan min lo Follow dawn nia

Prince Philip vuina ah Prince Harry a tel dawn, a nupui Meghan Markle erawh a inlan dawn lo

Britain lal chhungkua ten lu an sun mek a, Prince Phillip thihna hian England mipuite biangah mittui a luanchhuah tir nasa hle. Ui tak chungin an thlahliam.

Prince Philip vuina ah hian Prince Harry a inlan dawn a, a nupui Meghan Markle erawh in a telpui theih loh tur thu Buckingham Palace in an puang.

Harry leh Meghan te hian hmanni mai khan lalchhungkua a an chanvo pawimawh atang an inhnukdawk a, Palace chhuahsan in nun pangngai a khawsak zai rel an thlang.

Prince Philip vuina a Meghan Markle tellohna chhan erawh an chhungkaw chungchang vang nilovin an fa 2 na tur a pai mek avangin a ni an ti. “The Duke of Sussex hi vuina a tel turin a inruahman a,The Duchess of Sussex erawh a physician thurawn angin a tel thei dawn lo” tiiin royal spokesman in briefing ah a sawi.

Tun hi Prince Harry tan kum lai a vei hnu a UK a kir leh hmasak berna tur a ni a, a nupui nen an pahnih in Oprah Winfrey hnen ah thla kal ta mai khan Interview hmachhawn in lal chhungkaw kaihhnawih an hailang nual.

Zirtawpni a Duke of Edinburgh boral thu an hriat khan Archewell Foundation website kaltlangin thlahna post an siam. Prince Harry hi a pu nen hian an inpawh tha hle thin a, 1997 a an nu Princess Diana in a boralsan hnu phei kha chuan Prince William nen an nun ah hmun pawimawh tak a chang a ni.

Vuina ah hian hrileng mek Covid19 vangin kalpui dan pawh a harsa dawn. U.K. government guidelines ah mi 30 aia tam punkhawm phal a nilo. Lal chhungkua leh an fate bakah an tute telkim tur chuan tiamchin bak an bawhpelh a ngaih hmel.