Mizo Elite News hi ṭha i tihzawng a nih chuan min lo Follow dawn nia

Prince Charles leh Princess Diana te inneih Cake hralhna man a to

Kum 40 chuang zet liam tawh a mi Prince Charles leh Princess Diana te inneih Cake chu lilam a ni a, a man pawh a tlawm lo nasa khawp mai.

He Cake zai lep tawh hi 1981 a Prince Charles leh Diana te inneih cake 23 zet zinga mi kha a ni a, kum eng emaw chen vawng tha in Nilaini khan Cirencester, England a Dominic Winter Auctioneers ah lilam niin £1,850 ($2,562) in hralhchhuah a ni.

Cake rih zawng hi 800 grams (1.8 pounds) chauh a ni a, Royal Coat of Arms leh silver horseshoe te a chuang. Clarence House a Queen Mother tan a thawk Moyra Smith hnen a an pek kha a ni.

A tirah chuan he Cake hi £300 atang £500 inkar vel chauh a hralh an inbeisei a, mahse an rinphak ai a tam daih in ngam tu an lo awm. Cake lei tu hi Leeds a Private collector pakhat Gerry Layton a ni. Gerry Layton hian Diana te inneih cake hi a ngaihlu hle a, a collection ah dah a, a boral hnu ah charity tan hlan a tum tih a sawi nghe nghe.