Mizo Elite News hi ṭha i tihzawng a nih chuan min lo Follow dawn nia

President Duterte An A Ram Mipuite Vaccine An La Duh Lo A Nih Chuan Man Ah A Vau

Philippines President Rodrigo Duterte chuan a ram mipui te chungah vaukhanna kha tak mai a chhakchhuak a, Coronavirus an dona kawnga luhlul fal zual tak tak te chu Vaccine an la duh lo a nih chuan man ah a vau hmiah mai.

Philippines ah hian Asia bikah Covid a hluar hle a, mipui ten Vaccine an dawng tha duh silo chu ram hruaitu te thlunglu pawh a hai tak zet. Thawhtan zan khan Rodrigo Duterte chuan a ram mipui te hnen ah Vaccine la ngei turin a ti.

Vaccine la duhlo a piang chu man leh tihluihna hmanga jection an ni dawn tih a sawi. “Ka thil tih hi diklo angah min chhuah suh u. Ram in harsatna a tawk mek. Hei national emergency a nia, Vaccine in la lo nih chuan man leh in mawngah tihluihna hmangin jection a ni ang” a ti deuh tawp.

Mipui ten President Rodrigo Duterte hi Vaccine vangin an chhaih kawlh hle tawh a ni tih a tawngkam chhakchhuah atang a hriat theih. Man leh tihluihna hmanga jection an duh loh chuan an ram Philippines chhuah san a, India emaw America emaw an duhna lai ah pem rawh se alo ti bawk.

President thuchhuah ro rum tak hi human rights lawyer, Edre Olalia in a helh hle. President hian tihsual neilo mi tu chungah mah man theihna order a neilo a lo ti ve thung. Duterte leh a administration te vaccination campaign hi a sawisel chiam.

Asia bik ah Philippines hi COVID-19 hotspot tha tak a nia, 1.3 million aia tam Case nei tawh in mitthi pawh 23,749 an awm tawh a ni. Population 110 million ah June 20 thleng khan Vaccine dawng tawh chu 2.1 million chauh an la ni. Hei vang hian President meuh pawn tawngkam hawihhawm a hmangchhuak thei tawh lo.