Mizo Elite News hi ṭha i tihzawng a nih chuan min lo Follow dawn nia

Police Ten Thu Zawhfiah Atan An Koh Hnu Lawkah Inthiarna Ah Thi In Hmuh A Ni

A chhungte chuan he thihna thleng ah hian a phen ah thil inphumru a awm an ring a, mahni intihlum ni lovin thah a nih ngei an rin bawk thu hriat a ni.

Etah, Uttar Pradesh a Police te chuan tlangval pakhat Altaf (kum 22) chu Kidnapping Case chungchanga thu zawhfiah tur a ko in Custody ah an hruai a, mahse Altaf hi Kasganj Police a inthiarna toilet ah nikhawhrelo in an hmu.

Police te chuan Altaf thihna ah hian mahni intihlum niin an puang. Thu an zawhfiah laiin inthiarna hmang turin Toilet ah a kal chu hun rei tak a thang vangin Police ten an enfiah a, Pipe ah alo in awkhlum a ni an ti. Altaf hian Jacket a ha a, chumi a hrui hmang chuan valh in Pipe ah hian a inkhai ta niin an sawi.

Washroom ah hian tuichhuahna Pipe pakhat chiah a awm a, a inawhhlumna nia an sawi hi chhuat atang feet 2 leka sang a nih vang hian a rinhlelhawm zual.

Boral ta Altaf hringtupa Chand Mian chuan in a fapa thihna ah hian thil diklo a awm ngei a ring nghet hmiah. “Thawhtanni chawhnu lam ah khan ka fapa hi Police kutah ka hlan a, mahse darkar 24 ral hnu ah a inawkhlum/khaihlum thu hriattir ka ni” tiin a sawi.

Toilet ah hian CCTV Camera Footage vel engmah dah a nih loh vang in Investigation pawh neih a harsa hle. He thihna thlen hnu hian SP Rohan Pramod Botre chuan Police 5 te chu an hna ngaihthah leh dawngdah ah puhin a Suspend zui nghal a, an zingah hian inspector pawh a tel. Politics lam thlengin he Case vang hian inbeihna a thlen phah a ni.