Mizo Elite News hi ṭha i tihzawng a nih chuan min lo Follow dawn nia

Police ten ganja 2 lakh kg a tam an hal ral

Ruihtheih thil hi ram hrang hrang hian a do a, hetih lai hian a chin a lo chinga ei zawnna atana hmang pawl an awm.

Inrinni liam ta khan India ram ah ganja thahnem tak tihchhiat a ni a, AP police chuan north coastal Andhra a hmun hrang hrang atanga an man khawm ganja 2 lakh kg chu an hal ral tih hriat ani. Hei hi India rama ganja tihral hnem ber tum ani hial bawk.

Danin a khap heng ruihtheihthil halral hi a hlutna cheng vaibelchhe 200 vel angin an chhut. Thla 3 liam ta chhung khan Ganja chinna Rs 9200 crore man hu chu tihchhiat alo ni tawh.

Police te hian mipui te him nan km 2 laia hla hmun fal ah Ganja te hi an hal ral. Thing,camphor leh sugar te halralna ah hian an hmang tel ani. Director-general of police Gautam Sawang chuan ganja cultivation hi north Andhra borders ah hian thil thar ani tawh lo. 1940s leh 50s chho ah te chin alo ni tan tawh tih a sawi.

AP police hian November 1, 2021 ah Operation Parivartana an tan a, ganja chinna Rs 9251 crore man hu thla 3 chhungin tihchhiat ani. 400 acres a zau dang chu a chingtu ten an mahni ngeiin an tihchhiat thu an puang bawk.