Mizo Elite News hi ṭha i tihzawng a nih chuan min lo Follow dawn nia

Police Te Hma Ah Thingthi In ‘Oxygen Cylinder Hi Min Laksak Chuan Ka Nu Hi A Thi Mai Ang’ Tiin A Ngen Lawm Lawm, Darkar 2 Hnuah A Nu A Chan

India chu Covid19 in a tuam na bawk a hmun hrang hrang ah chanchin duhawm lo tak tak hriat a ni chho mawlh mawlh.

He Video hi Internet a a viral chiam hnu atang ngaihven a hlawh a, mitam tak in he thil thleng hi an hmuh hnu ah Police te hi an dem viau bawk.

Agra, UP ah chuan mipa pakhat kum 17 a upa Ansh Goyal chuan a nu hripui in a tlakbuak mek chu a nunna chhansak tum in a theihtawp in a bei ve. Mahsela a nu hman tur Oxygen cylinder chu Police ten an laksak a ni.

Ansh Goyal hian Police hma ah hian thingthi a tap chungin Oxygen chu a nu in a mamawh tak zet thu leh an laksak chuan a boral mai tur thu sawiin khawngaih a dil a, mahsela Cylinder hi lak sakin mi pahnih ten an zawnchhuak hmuh a ni. Thil thlen atanga darkar 2 hnu ah a nu pawh a boral tiin an tarlang.

Ansh Goyal chuan Reporters te hnen ah a nu hman tur a tih Oxygen Cylinder kha Police ten an lak luih sak a,’VIP patient’ hman tura tih a nih thu an sawi. Demna a nasat em avangin ADG Rajiv Krishna chuan thil thleng hi chhui chian a nih hnu ah a tul angin Police te chungah hian Strict taka Action lak a ni ngei ang a ti.

Amaherawh chu tualchhung Police ten thil thleng ah hian an pha ve tlat a, Superintendent of Police (SP) Botre Rohan Pramod chuan Ansh Goyal hian a chhungte tan Oxygen hi a ngen zawk a, tuman cylinder an laksak lo. Tin, cylinders zawn chhuah chu a tak awm lo a ruak mai a nih thu a sawi ve thung.