Mizo Elite News hi ṭha i tihzawng a nih chuan min lo Follow dawn nia

Police Officer In Hmeichhe Naupang Chu Kutthlak A Tawrhna In Atanga A Chhanchhuah Hnuin Fa Atan A La

Arizona police officer fel leh ngilnei tak mai in duty na lama a tawn tak hmeichhe naupang chu damchhunga an kianga khawsak theihna turin chenna a pe.

Brian Zach hi Kingman Police Department a lieutenant a ni a, a nupui Cierra nen chuan dan ang takin kum 4 mi hmeichhia Kaila chu an fanu atan an la.

March 2018 khan Zach hi patrol sergeant in a thawk a, hetih lai hian Kaila chenna chu enfiah tura call a dawng. Kaila hi a enkawltute chuan sawisa in kut an lo thlak thin a lo ni.

Kutthlak a tawhna lam a a hliam vangin damdawiin ah treatment pek a ni hial a,a enkawltu caretakers lakah thubuai siam sak a ni bawk. Zach hian child protective services lam in Kaila hi a awmna tur mumal tak an hmuh mai loh hnu ah a nupui nen hian fa atana la turin an ngaihven zui vat.

Zach hian fa pahnih a nei tawh a, Kaila kianga hun a hman hnu ah in lama a hawn chuan a nupui hnenah fa lak chungchang hi sawipuiin a nupui pawhin alo remti ve mai bawk.

Tichuan an kianga hun hmanga chhanchhuah a nih tang thla 30 hnu ah August 18 khan Zachs hian Kaila hi Lake Havasu City a Mohave County Superior Court ah dan ang ngeiin official takin fa atan a la ta a ni.

Zach chuan Kaila in an chhungkua a rawn zawm ve leh ta chu an hlim hle a, hmeichhe naupang nuihzatthlak leh fiamthu thiam tak a nih thu te a sawi. Preschool te zawm chho in an kiangah a rualpui te ang in nun pangngai leh tha takin a seilian ve mek zel a ni.

GMA