Mizo Elite News hi ṭha i tihzawng a nih chuan min lo Follow dawn nia

Police Officer Chuan Kum 13 Liamta A A Thil Tawn Ang Bawk A Vawi Hnih Nan Tawngin Hmeichhe Nau Nei A Bawihsawm

Hetiang hi hriat tur a awm ve zeuh zeuh thin. Coincidence nge destiny tia sawi tur. Police Officer pakhat chu kum 13 liam ta a a thil tawn ang deuh chiah tawng leh in hmeichhe nau nei alo bawihsawm.

He Police hi Corporal Mohd Zahri Ramzan, 35, a ni a December 2 khan a chenna in Kampung Padang Balang Hilir atanga zing 7:40am velah hnathawk tura a chhuak chuan nau nei tur lo let mek hi a tawng fuh leh ta chat a ni.

Harian Metro hnenah hmeichhe pakhat hlauthawng leh rilru mangang taka awm chu a hmu a, a ni chuan a hnen ah tanpuina dilin a thenawm a mi chuan rinloh takin nau a neih thut thu a sawi. A awmna lama hmanhmawh taka an kal chuan inthiarna Toilet chhuatah chuan na ti takin alo let reng tawh.

Hmeichhia hi a chak lo em em a, fapa a neih thu sawiin nau a neih hma in Toilet atang hian an inzawnchhuak leh bawk. In a living room ah zalhin naute hlam (placenta) chu a chhul ah a la awm.

Hei hi atan a hlauhawm theih vangin ambulance an lo thlen hma in a hlam chu lak sak a ni a, him dam takin an lo inbawisawm a ni.Corporal Mohd Zahri Ramzan hi Support Resource Coordination Division, Crime Prevention and Community Safety Department (JPJKK) Bukit Aman ah hna a thawk. Dar 8:15am vel ah ambulance hmangin Kuala Lumpur Hospital (HKL) ah hruai a ni.

Kum 13 liam ta March 2007 khan hetiang ang chiah hian hmeichhe nau hring chu alo bawihsawm tawh a, “khatiang dinhmun ang kha ka tawn leh ka ring bik lo hrim hrim” tiin a sawi ve hial reng bawk.