Mizo Elite News hi ṭha i tihzawng a nih chuan min lo Follow dawn nia

Police Hmeichhia In Ruang Hlawm Sak Tu Pawh Neilo Homeless Thi Tawh Ruang Chu A Zawn

Police in pe zo tak chu a va ni chiang kher em. A hnathawh ropui avangin a hmingthat phah hle bawk.

TOI in a tarlan dan in Andhra Pradesh a Kasibugga police a mi Sub-inspector hmeichhia Kotturu Sirisha chuan chenna neilo boral ta chu a ruang hlawm sak tu an awm loh vangin a zawn a, kilometer 1 aia thui daih mitthi ruang hi a zawn a ni.

Thawhtanni khan Adavikotturu a field ah mitthi an awm thu hi call an dawng a, mahse ruang zawn tur hian tualchhung mi tumah an kal duh lo. Hei vang hian SI Sirisha hian kum 80 bawr vel a upa Homeless ruang hi amah telin a thihna hmun atang an zawnchhuak ta a ni.

Sirisha chuan a hming pawh hriat loh boral ta hi tualchhung mite sawidan in kutdawh a ni a, a thih chhan ah hian chaw ei tur hmu lo a riltam vanga thi a ni. Kawng tha a awm loh vangin Field atanga lirthei awmna thleng zawn tur pawn a harsa hle. Khaw mite tlawmngai tura an hrilh pawn tumah an chhuak duh lo tih TOI te a hrilh.

Sirisha hi Vizag city mi niin pharmacy degree a nei a, kum 12 upa fa a nei mek bawk. A pa in a fanu 4 zingah pakhat talin force hi zawm turin a lo duh thin. Sirisha chuan mipuite tana rawngbawl turin Police force hna hi zawm a ni tih a sawi a, mahni mihringpui mitthi te hian zahawmna an phu tiin a tihtur duty a hlen mai thu a sawi, a inpekna avangin State DGP Gautam Sawang ngei pawn a chhuan zia a sawi bawk.