Mizo Elite News hi ṭha i tihzawng a nih chuan min lo Follow dawn nia

Police Chief Chu Covid19 A Inrinhlelh Vangin A Inkhunghrang, A Nupui Fanau Te Venhim A Duhna Lamah A Intihlum

Plymouth a mi Jim Webster (58) hi Police Chief retire tawh a ni a, March thla khan khuh leh khawsik in aṭan a, heta ṭang hian Covid19 a vei niin a inring nghet ta hmiah. A chhungte lak aṭang in a in la hrang zui bawk.

March thla tawp lam khan London aṭang an chenna Cornwall lamah a kir a, chuta ṭanga hri hi kai ta niin a inring ber. An chenna Crackington Have, Bude ah chuan a chhung te awm in huan a chalet ah a inkhung.

An chhungkua hian Zoom meetings te neiin socially distant meal te an kil ṭhin bawk. A chhungkua te kiangah chuan hun hman duh hle mahse a hnaih thei silo.

A nupui leh a fate chuan dam in chhungkaw hlim tak a an awm leh theih an beisei. Mahsela pa ber Jim Webster chu hmuh theih siloh in a rilru lamah nasa takin hliam a tawk reng a lo ni.

An awmna Crackington Haven a local community ten an ngaihdan tur avang te chuan a rilru tibuai in hrehawm a tih phah hle a ni awm e. Rilru lama hliam a tawh nasat em vang hian a chhungkua a venhim theihna turin a nunna ngei chu a lakphah.

A nupui in Coffee kensak in mahse kawngkhar ah chuan note alo inhawlh bet ah chutah chuan lut lo tur leh police ko turin a hrilh a ni.

Jim nupui hi a pasal vang hian a rilru a na hle. Hetiang thil em em hi chu a pasal hian a thlenpui theih rinna a neih loh thu a sawichhuak hial a, a khum kiangah chuan phek 6 lai note hmuh niin chutah chuan rilru lamah natna nasa tak a lo nei ru tih an hrechhuak. Jim hi kum 18 a nih aṭang Police hna hi a zawm a ni.

The Sun