Mizo Elite News hi ṭha i tihzawng a nih chuan min lo Follow dawn nia

Pitar Kum 86 A Upa Chu Pawngsual A Ni

A chunga a thil tih chu tawp hram tura a ngen a ngen lawm lawm in a pi kum rual a nih thu a hrilh bawk a. Mahsela pawngsual a tawk ta tho a ni.

India ram ah hian pawngsual hi a kum tel in a hluar chho zel. Khawvel a ram him lo leh ralmuang lo ber ah a ṭang ta mek chu a nih hi. Hmasawnna duhawmlo ber a ni.

Delhi ah Thawhṭanni khan pitar kum 86 chu mipa kum 33 a upa in a chenna aṭang hruai chhuak in a pawngsual.

He pitar khawngaihthlak leh lainatawm tak hian tlai lamah chuan a chenna in luhna kawngka ah bawnghnute semtu pa lo thlen hun a nghak a. Mahsela misual hian bawnghnute sem chu a lo kal theih loh tur thu hrilhin bawnghnute a hmuh theihna turah hruaiin a thlem chhuak.

“Bawnghnute sem tu pa chu a kal dawn lo tih a hrilh hnu ah bawnghnute a hmuh theihna turah hruai turin a lo thlem a ni” tiin Swati Maliwal, head of the Delhi Commission for Women chuan BBC te a hrilh.

Pitar hian bawnghnute hmuh theihna tur nia a rin vang chuan a zui ta mai a. Amaherawh chu farm lam panpuiin a pawngsual ta a ni.

He misual hma ah hian ṭap zawih zawih chungin khawngaih a dil a, mahsela hepa hian a sual lui ta tho. Tualchhung mipui ten a ṭap thawm an hriat in an ṭanpui nghal a, he pawngsualtu tenawm tak hi Police hnen ah hlanin thubuai an siam sak.

Sual a tawhna ah hian a hmai leh taksa ah te hliam a tuar a, a serh aṭang te in thisen alo chhuak bawk.

DM