Mizo Elite News hi ṭha i tihzawng a nih chuan min lo Follow dawn nia

Pitar Kum 85 Leh Tlangval Kum 24 Te Inneih Thlalak Ang Tak Phen A Thu Inthup Lungchhiatthlak Tak Chu

Pitar leh tlangval kum naupang te, kum 61 vel zeta inthlau te inneih thlalak ni awm tak hi Chinese social media platforms ah a lar hle a, mahse thlalak phen ah hian chanchin lungchhiatthlak tak inphum ru a awm a ni.

Thlalak a tlangval hi Zhang (kum 24) a ni a,Fenyi County, Xinyu, Jiangxi province a firefighter hnathawk a ni a, pitar kum 85 mi hi Tang a ni.

Interview ah chuan Zhang hian Pi Tang nena an thlalak chungchang hi sawifiahna a nei. Tang hian naute mai a nih laiin a nunna a chhan sak. 1983 khan a ni a, Zhang hi damdawiin hnaih ah hnuchhiah niin Tang hian a chhanchhuak. Naute chu a dinhmun a tha tawh tih a hriat hnu ah miin fa atan la turin welfare institutions ah a dah ta a ni.

Mahse Zhang hi a taksa a derthawng hle a, Tang chuan fa atan la in a enkawl. Zhang hi naute 6 thlauhthlak zinga pakhat a ni.

Kum 24 liam ta khan Tang hi kum 61 chauh a la ni bawk. Tang leh a pasal te hian an mahni fa diktak 5 leh an fa lak 6 te chu an enkawl a, an retirement hlawh atang leh thlai vel an hralh atang te in chhungkua hi an chawm.

Tang nupa te hian Zhang mai bakah a unaunu chu fa atan an la tel. Mahsela enkawl lai an ngah em avangin sum lamah harsatna an tawk a, an harsatna leh dinhmun hriat puiin 2001 khan Fenyi county a fire department te chuan Zhang leh a unaunu te chu an tution fee tum sak in an tanpui.

Fire Department hian Zhang hi 2016 a high school a graduat thleng leh a unaunu 2013 a College a graduat thleng an chawm. Team te hian an enkawl chhung khan Zhang thinlung ah thu tha tak tak an tuh sak a, Zhang pawhin zirna chhunzawm tawh lovin a suangtuahna puitlin turin ram tan Army nih a thlang ta zawk. Firefighters ten a kiangah an pui tlat a,2020 khan third-class ah outstanding performance a chang hial reng.

Zhang chuan fire brigade a zawm hian a beisei ai in alo harsa hle tih a sawi a, mahse midang te puih nana hnathawk a nih vangin a duhthlanna siamah hian inchhirna a neilo a ti.

A pi khan nunna vawi 2 na tan pe in firefighters ten a vawi 3 na an pek thu a sawi hial. Zhang chuan a hna vangin a pi kiangah a hun tam zawk a hmang thei tawh lo. Mahsela holiday ah te a pi hi tihlim in a hruaichhuak thin a ni.

Zhang chuan a pi hian ala naupan lai deuh chuan thil mawi tak tak a ngaina em em a, mahsela chawm leh enkawl tur a ngah em vangin amah ngei pawh a induat theih ngai loh thu a sawi. A damchhung in vawikhat mah inneih thuam ala inbello a ti bawk.

Hei hi Zhang chuan a rilru ah a vawng reng a,May 2020 khan annual leaves la in, a pi Tang leh a pasal te tan surprise wedding photoshoot nei turin a ruahman sak. Mahsela a pu hi taksa lam hrisel loh vangin a tel thei lo a, Zhang hian a pu ai ah a uniform inbelin a pi hi thla a lakpui ta a ni. Tang chuan thlalak a hmuh hian a hlim rualin a zak deuh hle a lo ti bawk.

Zhang chuan a nun chhan tu chu a theih ang tawka hlimna siam sak a duh a, a pi atang hian thil tam tak ngilneihna leh midang te ngaihtuahna te a zirchhuak tih a sawi a ni.