Mizo Elite News hi ṭha i tihzawng a nih chuan min lo Follow dawn nia

Pitar Kum 84 A Upa Nurse A Thi Ve Leh Ta

UK hi PPE lam ah tlachham in harsatna an tawk tih an tarlang nasa a, hei hi a dik ngei niin a lang bawk. Medical lam an in chan nual tawh mai a, an lainatawm hlawm hle.

Pitar kum 84 a upa NHS Nurse pawh Covid19 vangin nunna a chan ve leh a, frontcare health worker nunna chan hriat theih thar ber a ni. He nurse hi a hming Margaret Tapley a ni.

Margaret Tapley hian hri kai damlo te bawisawm leh enkawl in rim takin hna a thawk. Oxford a Witney Community Hospital ah a lo thawk a, chhun leh zan in a rim hle. A tawp ah chuan Covid19 hian a run ve ta a, nunna an chan phah.

A tunu Hannah Tapley chuan Facebook ah a pi boral chungchang hi tarlang in thlahna hun a hmang. Hannah hian a pi Margaret chu a hna ah a in pe zo a, a thawk rim hle a ni tih a sawi. “Kum 84 lai ni tawh mahse a ni anga hmeichhe chak leh hrisel hi ka la hmu lo” a ti ve hial.

Nurse Matt Bodell, the editor of Nursing Notes, chuan Pi Margaret chunga thleng chu pawi a tih zia a sawi ve bawk a, a hna lo thawh te chu ropui tiin a fak hle bawk. Margaret hi NHS Employee nunna chan a upa ber nia hriat leh rin a ni.

Mirror & DM