Mizo Elite News hi ṭha i tihzawng a nih chuan min lo Follow dawn nia

Pitar Chuan A Tute College Fee Tur Ngaihtuah In Hah Pawh Sawilovin Hna A Thawk Thin

Kan hringtunu leh pa te bakah hian pi leh pute lo hlutzia min va hriatchhuah tir chiang em. An tu leh fa te tan kum upat tawh lam ah hah pawh sawi lovin an theihtawp tak meuh meuh in hna an thawk thin.

Penang a awm pitar pakhat Kak Murugamah tia a hming tarlan chuan nakin a a tute nuam sa taka an awm ve theih nan tiin an zirna senso College Fee thawkchhuak turin nitin sangha zuar in hun a hmang thin.

Nitin salted fish zuar tur hian darkar 6 a kal ziah thin a,cycles hmangin a lo inkhalchhuak a ni.Machang Bubuk assemblyman, Lee Khai Loon chuan he pitar, a tute tana inhlan pumhlum tu hi alo hmuh chuan Facebook Page ah a chanchin a tarlang a, tanpuina a hlan bawk.

Kak Murugamah hian heng a sangha zawrh te hi a dahna turin Fridge a nei lo a, rang taka zawrh zawh thuai thuai zel a ngai thin. Mahsela Lee Khai Loon chuan a harsatna chhawk turin sangha dahna atan Fridge a lei sak a, a rimchhiat hma a rang taka zawrh zawh vat vat kha a ngai tawh dawn lo.

“Ka thawhchhuah hmang ngei a ka tute college an kalna ngaihtuah sak hi ka duh a ni” tiin a lo hrilh bawk. A harsakna chhawk a Sangha dahna tur Fridge a leisak vangin Loon hnen ah lawmthu a sawi hial a ni.

Zirlai mek te kan nu leh pa bakah kan pi leh pute kan tana an inhlanna hi hre rengin, hah leh rim taka an hnathawh hi alo thlawn in i luanral tir lo ang u.