Mizo Elite News hi ṭha i tihzawng a nih chuan min lo Follow dawn nia

Pitar Chu A Tupa In Online Class A Zawm Theih Nan A Sum Neihchhun Nen Phone Dawr Lam Panin An Chhuak A

Pitar pakhat chu Phone dawrah a sum neichhun kengin a tupa nen Phone lei tur in an kal a, he pitar hian Phone hi a tupa zirna tur atana lei tum a ni.

Thai pa pakhat Jatupol Boriboon tih chuan thil thleng hi tarlangin, mite thinlungah thu tam tak a sawi a ni ang chu ni thum chhung lekin 23,000 comments a dawn bakah 169,000 shares a hlawh hman.

Pitar leh a tupa te Mobile Phone dawr an lawi luh hian dawr nghaktu Jatupol hian lo ṭanpui in a buaipui nghal vat a. Pitar chuan 2000 baht aia to lo leh hniam Phone lei tur a zawt a, dawr nghaktu hian phone hi ama tan a lei tum a nih leh nih loh a zawh chuan pitar hian a tupa in Online Class a zawm ve theihna tura lei tum a nih thu in a chhang.

Pitar leh a tupa te hi an hmel aṭang khawsa thei zek zawk an nilo tih a lang. He thil a tawn aṭang Jatupol hian thil tam tak a ngaihtuahna a lang te chu a rawn tarlang a ni.

Pitar hian Phone hi a lei ta nge ta lo tih erawh a sawi lo a. Jatupol chuan Online a zirna chu thil ṭha tak zawng a ni a, mahsela mi rethei leh khawsak harsa zawk te tan chuan a harsat thu a sawi.

Elementary School a zirlai tam zawk te chuan Phone an neih loh thu a sawi a, Online Class hian chhungkaw harsa tak tak nu leh pa te ah phurrit a siam dawn tih a tarlang.

Hei hi Thai Twitter lamah chuan mitam tak in ngaihdan hrang hrang an tarlang hlawm a, inhnialna pawh a chhuah phah hial reng bawk.

WOB