Mizo Elite News hi ṭha i tihzawng a nih chuan min lo Follow dawn nia

Piantirh A Ta Bengngawng Kha Tunah Chuan A Rualpui Dangte Anga Thanglian In Nun Pangngai Tak A Hmang Chho Tawh

Chhungkua a naute a awm hian nun an ti hlim em em a, fa hmuh hmasak ber a nih ngat phei hi chuan nu leh pa te thinlung hi lawmna in a hnawhkhat thin. Mahse hei hi ilo ngaihtuah ve ngai em.

Mi thenkhat chuan fa an neih theih loh leh an awh lutuk na ah nupa inkarah buaina a thlen phah sak fo. A then in an fa rawn pian chhuah hma hauhin duhthu an sam lawk a, an nihna tur mipa leh hmeichhia ah te duhdan an lo siam thin. Fu ke kim leh piansualna a nei palh thei ang em tih leh a taksa ah harsatna lo nei palh ta se tih pawh ngaihtuah thleng pha lo nu leh pa tam tak an awm ngei ang.

I fanu/fapa lo piang tur chu piansualna nei lo leh kut ke kima khawvel a rawn hmu thei a nih chuan kha ringawt pawh kha Pathian hnena lawmthu sawina tur a tling teh a sin. Khawvel ah hian piangsual tam tak, kan kawtkai ah mai te pawh hriat leh hmuh tur an awm. A then te chu taksa pianphung ah chauh piansualna hi a lang vek lo.

He naute khawngaihthlak zet Charli Archer chunga thleng pawh hi a nu leh pa te tan chuan rilru a va na dawn kher em ve. A piantirh in a ri hriatna ah harsatna a tawk a, bengngawng in a piangchhuak a ni.

A nu leh pa ten an han chhaih leh lawmna pawh hre thei lovin a awm a, an naute chanchin an hriat tirh pheia an mangan leh hrilhhai dan tur chu i hriatthiam pui mai ang.

Doctor te hnen ah chuan mangang takin an fanu tan hian ri a hriat theih dan tur kawng dap sak turin an ngen ta chawt mai a, Doctor pawh chuan hnial lovin naute ah chuan a ri hriatna tur hearing aid chu vuah mai turin thu a rawn ta a ni.

Charli bengah chuan ri a hriat theihna tur hmanrua chu vuahsak a ni ta a, vanneihthlak takin thla 3 a upa a nih ah a nu leh pa te tawng leh chhaihna aw ka te chu a hre ve thei ta chauh.

Doctor hnen ah chuan Charli hringtu chuan chutia a naute in ri a hre ve thei ta chu lawmthu alo hrilh mawlh mawlh a ni. Hun a liam zel a, Charli pawh rawn thanglian chho ve zelin kum 4 lai a ni tawh a, a hriatna kawngah harsatna tawk mahse tunah chuan a rualpui hmeichhe naupang dangte angin nun pangngai tak a hmang chho ve mek. Lam leh zai te a tuipui hle a, nau mipa 2 a nei bawk a ni.