Mizo Elite News hi ṭha i tihzawng a nih chuan min lo Follow dawn nia

Pianhlim a inzawm leh thin (liver) intawm phir unau te chu hlawhtling takin thenhran an ni

Khawvel thiamna leh finna sang zelah mihring te tih theihloh ni a ngaih pawh hi a theih zel tawh. Chicago, Illinois a naute phir unau thla 11 te hi an pianhlim a inzawm niin hlawhtling taka thenhran an ni.

Phir neitu nu Maggie Altobelli, 33 hian chawlhkar 20 a pai ah doctor hnen ah in entir turin a kal a, ultrasound an han tih chuan a pum chhunga naute te ah chuan diklo a awm ta tlat mai a,an pahnih hian an pumchhung lam ah chuan an lo inzawm.

November 2020 khan Addy leh Lily te hi taksa inzawm in an piang. Newborn/Infant Intensive Care Unit ah thla 4 chhung an awm a, Pediatric Intensive Care Unit ah sawn leh an ni.

Kum dawn a vei hnuah chuan Oct 13, 2021 khan surgery neiin then hran an ni a, darkar 10 chhung zet operation an neih hnu ah a hlawhtling. Phir nu leh pa te chuan an fate chu a vawikhat nan a hranga an awm ve ve chu an hmu thei ta.

A tirah tak chuan Addison leh Lilianna Altobelli te hi an lung (heart) intawm anga hriat a nih vangin zai ngam ah an ngailo. Mahse lung hran ve ve an nei tih an hre leh a, an awm bawr leh thin (liver) te chu an inzawm zawk. Thin (liver) chu thenhran theih khawp a nih vangin Medical lam te chuan Surgery pawh hi an nei ngam. Tluang taka Surgery nei a Pennsylvania a hun eng emaw chen an awm hnuin Dec 1 khan an chenna Chicago ah an let ani.