Mizo Elite News hi ṭha i tihzawng a nih chuan min lo Follow dawn nia

Physician Retire Tawh Covid19 Vangin Thi Leh, Britain A Doctor Nunna Chan 4 Na

Covid19 enkawl tu damdawi lam thiam te hi an hnathawh rim mai piah lam ah an nunna chu dinhmun hlauhawm takah an dah a thih leh dam inkarah hun an hmang. Virus vangin Medical a thiamna nei sang tak tak khawvel in a chan nual tawh.

Alfa Saadu, 68 hi NHS ah kum 40 lai hun a hman hnu in 2016 khan a chawl a, mahsela tuna hri leng vang hian a ram in kohna chhang in Welwyn, Hertfordshire a Queen Victoria Memorial Hospital ah a kir leh.

Vanduaithlak takin Alfa Saadu hi a hanthawhna lam ah Covid19 vang hian a nunna a chan a, Britain rama Doctor nunna chan ah pali na a ni ta chiah.

Nunna chan zinga mi Dr Zaidi’s chhungte phei chuan Zaid hian a damlo enkawl te tan a nunna chu a hlan thu an sawi.Alfa Saadu baka Doctor nunna chan dang hi GP Dr Habib Zaidi, 76, of Leigh-on-Sea, Essex; consultant Amged El-Hawrani, 55, of Burton, leh surgeon Dr Adil El Tayar, 63, of Hereford te an ni.

Dr El Tayar hi organ transplan consultant a ni a, Hereford County Hospital a damlo a enkawlna lam ah Covid19 hi kaiin a thihpui. Dr El-Hawrani hi hnathawh rim lutuk vang in a damlo te tan a nunna a hlan. Medics lam chuan Government hnen ah invenhimna turin personal protective equipment tam zawk an ngiat bawk.

DM