Mizo Elite News hi ṭha i tihzawng a nih chuan min lo Follow dawn nia

Phuba Lak Nan Doctor Nupa Te Chu Khaw En Laiin Mipa 2 Ten An Kaphlum

Phuba lakna avanga thil thleng hi a rapthlak hle. Zirtawpni liam ta khan Bharatpur ah khaw en laiin inthahna a thleng a, mipa pahnih ten kawng lun lai takah Car a chuang nupa te chu lambun in silai hmangin an kaphlum.

Thil thleng hi CCTV ah chiang takin a in record vek a, nunna chan ta Doctor nupa te hi Sudeep Gupta leh Seema Gupta te an ni. Video atang a landan in mipa pahnih te hi kawngpui lun lai takah Bike a tlan in Doctor nupa tuak te hi an lambun a, Car an tihdin hnu hian silai phawrh in an kap zui ta mai.

Sudeep Gupta leh a nupui te an kah hnu ah tualthat tu te hi an tlanchhe zui nghal bawk. Police te sawidan in he inthahna hi phuba lakna a ni a, Sudeep Gupta te leh tualthattu te hi inhrechiang tak an nih thu an sawi.

Kum 2019 khan Sudeep Gupta leh a nupui bakah Sudeep nu te chu hmeichhe pakhat leh a fapa kum 5 mi thihna chungchang ah Jail bang an zut a. He hmeichhia Deepa Gurjar hi Dr. Sudip’s clinic ah hian receptionist in hna a thawk thin. Mahse Sudeep nupui hian Deepa leh a pasal te chu hnathawhna piah lamah an inkarah thil thleng a awm nia ngaiin Deepa chu a hna a tang a ban tir a ni.

Deepa in a hna a chan hnu hian Sudeep hian a nupui hriat loh in Deepa leh a fapa te hi a tanpui tho a, a apartment ah an nufa in a lo chen tir. Hei mai bakah eizawnna turin spa leh beauty parlor a hawn sak bawk.

Seema in a pasal thil tih a hriat hnu hian a thinrim em em a, a pasal nu puihna dilin Deepa leh a fapa hi tuialh thei hmangin an theh a, an hal hlum ta a ni.

Seema leh Sudeep nu hi Deepa te nufa a nung chunga hal hlum thubuai ah an man a, Sudeep pawh he thil ah hian a inhnamhnawih ve tih sawiin Police ten a hnu ah an man ve bawk.

Police te sawidan chuan Sudeep te nupa kaphlum tu Anuj Kumar hi Deepa unaupa a nia, a thurualpui Mahesh Kumar hi a cousin niin an sawi a ni.