Mizo Elite News hi ṭha i tihzawng a nih chuan min lo Follow dawn nia

Phir Unau Ve Ve Te Chu A Ruala Inneiin Hmun Khatah An Cheng Tlang Vek

Indonesia ram ah chuan phir unau mipa pahnih te chuan an mahni ang chiah phir unau hmeichia te vek chu nupui atan an nei rual a, an zavai hian hmun khat ah an la cheng ho vek bawk.

A tirah Ellwanda Julianop Hidayat, 20 leh Rani Nurhaeni, 19 te hi an inngaizawng hmasa phawt a, an pahnih hian Indonesian town, Sumedang a School an kalna hmun atang a inchhar an ni.

An inzui chhoh tak zel hnu ah phei chuan hmangaihna zawn hmuhsak thiam tu matchmaker ah an phirpui Ellwindi Junianfi, 20 leh Rina Nurhaeni, 19 te tan hian tang in, an inhmangaih tir thei ve ve a, reilo ah an inngaizawng chawp ve ta mai bawk.

February 27 khan nupa ah insiam in a rualin an innei. Inneihna a tel ve an thenrual te ngei pawh in an pawnlam landan, zawng fianphel an sawi an chiah an nih avangin an hai nawk hlawm a, Social Media ah phei chuan thuamhnaw in ang an lo inbel thin nen, a khawi zawk nge tih zawhna an siam nasa reng.

Midang chauh nilo an mahni te ngei pawh inhai chang an nei fo thin tih an inpuang a, in khatah an cheng ho bawk. Tualchhung TV programme ‘Brownis’ a an inlan tumah Ellwindi chuan “a chang chuan kan chesual ve pah deuh nawk nawk thin” tiin a sawi.

Phir mipa te hringtupa Nopi Hidayat, 51 chuan chhungkaw hma a Ellwindi an a bialnu inhmelhriat tirna a neih tumin a mengphawk chiang hle tih a sawi a, a chhan chu Ellwindi unaupa bialnu nen khan danglamna reng an neih eih loh vang a ni a ti.