Mizo Elite News hi ṭha i tihzawng a nih chuan min lo Follow dawn nia

Phir Unau Te Chu Tihpalh Thil Thu A Thlakthleng Vangin Kum 19 An Awm Hran Hnuah An Inhmuchhuak

Kum 2001 khan Malaysia ram ah chuan thil pawi tak mai a thleng a, Kota Bharu, Kelantan a damdawi in pakhat ah naute phir te piang in mahse Hospital staff te inthlahdah palh vangin phir unau hi thlakthleng palh an ni.

He thil thleng hi kum 19 a liam hnu ah chauh an hrechhuak. Phir zinga pakhat zawk Adryani Iwani Ibeni Yanin (kum 20) hi interschool motivational camp ah a lut a,Form Four a ni. School dang atang thian a chhar a, a ni chuan a thiannu Noratirah Husin nen an hmel leh landan zawng zawng te chu a in an hle thu a hrilh.

A thiannu in an hmel in anzia a sawichhiah takah chuan Noratirah thlalak chu hmuh turin a dil a, a thiannu chuan a Instagram accout alo share. Adryani in a phir pui anga a ngaih char char hnen ah chuan Noratirah chungchang chu a hrilh a, a ni pawh chuan a unaunu nen chuan in ang alo ti ve hle bawk.

A nu hnen a a hrilh chuan in a nu erawh in alo ngaihsak zui viau lo. Hun a liam zel hnu ah chuan Adryani leh Noratirah te chu March 2019 khan Jom Masuk U’ Carnival, Kota Bharu ah hmaichhan ngeiin an inhmu ta a ni. An mahni ngei pawh an inhmuh tirh chuan an landan a in an lutuk vangin mak an ti ve hle. Tichuan an inhriatchhoh zel hnu in an hmel chauh a in ang lo tih an hrechhuak zui leh a.

An pahnih in an piancham chu alo la in ang tel ve ve bawk a, hmun hran daiha khawsa ve ve bawk si, in an na tam tak an nei chu a dang hriatbelh chak zelna nei chungin DNA test ti turin thu tlukna an siam.

Hospital Universiti Sains Malaysia (HUSM) Kubang Kerian, Kelantan ah DNA test hi an nei ta ngei a, test atang chuan an pahnih in mihrang an ni reng reng lo a, 99.99% zetin unau an nih zia hi a rawn nemnghet ta a ni.

Adryana Iwani tih hmingpu a unaunu anga awm leh Adryani phir pui a in register nu leh pa dik tak chu Husin Omar leh Rahmah Isa te an ni a, 2018 khan vanduaithlak takin an boral tawh nghe nghe.

Kum 19 chhung teh meuh Adryani leh Adryana Iwani te chu phir nisi lovin an lo awm tlang reng zawk a ni. Thudik tak finfiah a nih hnu thlengin mak an la ti viau.Adryani unaunu dik tak Noratirah hi Kampung Pulau Kundur, Kota Bharu ah a pa bulah a cheng thin a, nikum January thla khan a chhungkaw dik tak te kiangah ah a kir tawh a ni.