Mizo Elite News hi ṭha i tihzawng a nih chuan min lo Follow dawn nia

Phir Unau Mipa Leh Hmeichhia Te Chu An Hun Hmasa Ah An Inhmangaih Thin Nia An Rin Vangin An Nu Leh Pa Ten An Inneih Tir

Puithuna thil hi hnam leh sakhua hrang hrang hian kan nei deuh vek awm e. Thailand ram ah chuan nu leh pa ten an fate kum 5 mi phir mipa leh hmeichhia chu an pianna hmasa ah an in hmangaih nia an rin vangin an inneih tir.

March 4 khan inneihna hi an chenna Thailand a Nakhon Si Thammarat ah an hmang a, Buddhist sakhaw rindan ah phir mipa leh hmeichhia an pian hian hun hmasa ah an lo inhmangaih a, mahse innei lovin eng emaw thil vanga then hran a awm in phir ang in an piangnawn leh thin in an ngai.

He an sakhaw dan inzirtirna hi an chhawmnung zel a, inneihna hi hman vat a nih loh chuan vanduaina in a zui dawn a ni tih hi an ring nghet hle.

Hemi a nih vang hian a nu leh pa te hian hma thei ang berin inneihna hi an buatsaih ta chuk chuk a ni. Inneihna ah hian an thianhnai te leh chhungkua ten an telpui a, hunserh zawhah traditional Thai celebrations in music,parade leh lam ten a chhunzawm.

Naupang pa chuan fate ah phir mipa leh hmeichhia an awm a nih chuan inneih tir tur. A nih loh chuan pakhat zawk damlohna in a tlakbuak ang a ti a, heng zawng zawng hi an fate pahnih him tlan na tura ti an nih thu a sawi bawk.

Thailand ram hi Buddhist sakhaw vuantu tam lamah khawvel huapin pahnihna ah an awm mek.