Mizo Elite News hi ṭha i tihzawng a nih chuan min lo Follow dawn nia

Phir Unau Hmeichhia Leh Mipa Te Chu A Ruala Innei In An Rai Hun Pawh A In Ang Vek

Phir te hian inzawmna thuk tak an lo nei a nih dawn hi. Heng phir nupa tuak hnih te chanchin hian ngaihven a hlawh khawp mai.

Virginia a mi phir hmeichhia Brittany leh Briana Deane,33 te hian pasal atan phir unau vek Josh leh Jeremy Salyers, 35 te chu an nei.

An dangdaina em em chu an hmel leh landan a in an mai bak ah hian an thil tih a piang a in ang vek zel a.

Josh leh Jeremy Salyers te hian an nupui te hi an propose rual ve ve a zungbun in ang chiah an pe bawk.

2018 August thla ah Twinsburg, Ohio ah ‘Twice Upon a Time’ themed ceremony in inneihna an hmang ho a ni.

Nupa an nih hnu ah pawh an pali hian in khat ah an cheng tlang leh bawk a. Thuamhnaw pawh in ang tlang vek in an inbel ṭhin a midang te ngaihven an hlawh phah em em a ni.

Tunah hian naute paiin, mak em em chu Brittany leh Briana Deane te unau hi an rai hun thleng in a la in ang tel cheu a nih chu mawle.

May thla ah Australia Today hnen ah chuan a ruala rai tura an ruahman thu hi an lo sawi tawh nghe nghe. Harsa tak tur a nih laiin an ruahmanna chu a thleng dik miau si a ni.

An fa piang tur te pawh hi Cousin chauh nilo a inzawmna thuk leh ril zawk an neih ngei an beisei thu an sawi. An 4 hian kum 2017 khan twins festival ah an intawng khawm.

Hetia thuamhnaw in ang inbel renga chenna in pakhata awm ho bawk si chuan mahni nupui/pasal zawk han in hai deuh chang te pawh a thleng nuk mai thei a ni.

DM