Mizo Elite News hi ṭha i tihzawng a nih chuan min lo Follow dawn nia

Phir Unau Hmeichhe 3 Te Chuan A Rualin Nau An Pai Vek

Southern California a mi phir unau hmeichhe 3 te chungah chuan thil mak leh dangdai tak mai a thleng a, an unau hian minute 4 dan ah piangin tunah hian kum 35 na an hmang mek.

An hming Gina Purcell, Nina Rawlings leh Victoria Brown te an ni a, an vai hian pasal nei theuh tawh in mak deuh mai chu tunah hian an pathum in nau an pai rual leh vek a ni.

An unau zinga naupang ber Brown chuan hetia an pathum a vawikhat a an rai vek chu an lo suangtuah thin a thleng dik tiin Fox News hnen ah a hrilh ve hial.

Naute an neih tur te hi kum in July leh November inkara nei tur an ni hlawm a, Brown tan a fa pahnihna tur niin fanu kum 2 upa a nei tawh. An milai Rawlings tan a fa hmasa ber tur a ni thung a, August ah neih an beisei. An unau zinga upa ber Purcell hian November ah nau hi a neih hmel a, Purcell tan erawh tuna a fa piang tur hi a fa pathumna tur a ni. A hma in fapa kum 8 leh fanu kum 5 a lo nei tawh.

Hetianga a ruala nau pai hi an suangtuah thin chu ni mahse an ruahman lawk erawh engmah a awm loh thu an sawi. Purcell chuan kum eng emaw liam ta khan nau a chhiat a, a pasal nen hian an fa 3 na tur nei leh tur hian an inruahman a ti a ni.