Mizo Elite News hi ṭha i tihzawng a nih chuan min lo Follow dawn nia

Phir (Twins) Inzawm Upa Ber Te Chu Kum 68 Mi Niin Boral

Guinness World Records in a khawvela phir (twins) inzawm zinga damrei leh upa bera a chhinchhiah tak Ronnie leh Donnie Galyon te chu kum 68 mi niin an boral ta.

Ronnie leh Donnie te hi Beavercreek, Ohio a mi an ni a,October 1951 khan an piang. An nu in a pai lai ṭanga inzawm tawh an ni a Doctor ten ṭhenhran chu a risky a an hriat vangin heti hian taksa inzawm chungin an ṭhanglian chho ta zawk a ni.

2014 khan kum 63 an tling a, Guinness World Records chuan phir inzawm upa berah a chhinchhiah a, Italy a phir inzawm Giacomo leh Giovanni Battista Tocci te chu an khum.

Ronnie leh Donnie te hian record chelh ngei hi tumin Calendar ah te pawh an lo mark ṭhin a ni awm e. WHIO, an Ohio broadcaster chuan July 4 khan Galyon unau phir inzawm te hi an boral thu an puang.

Galyon te nau mipa Jim pawh in a unaupa te boral chungchang hi a puangzar a, Local Community te chungah lawmthu a lo hrilh bawk.

Ronnie leh Donnie te hi an pian dan danglam tak avang hian mipui aṭang lawm pawh an hlawh phah hle a, US leh a chheh vel ah carnivals ah te perform na hun an hmang ṭhin a. Midang te anglo a an piang chu an tan sum hmuhna remchang tak ah an hmang thei. Chhungkaw tan pawisa pawh an lo thawkchhuak nual hman. Mahsela 1991 khan entertaining aṭang hian anlo chawl ta a ni.

Sky News