Mizo Elite News hi ṭha i tihzawng a nih chuan min lo Follow dawn nia

Phir Ni Chung Siin An Pian Ni Leh Kum A In Ang Lo

Thil thleng vang tak leh nu tam takin tawn an chak em em a ni a, Doctor te ngei pawh in hetiang thleng hi hriat tur a awm ngai zen zen loh thu an sawi hial reng bawk.

California a cheng nu pakhat Fatima Madrigal hian fa atan phir a hring a, mahsela a fate hi phir ni chung siin an pianni leh kum a in ang miah lo ani.

Kum hlui thlah zan Dec 31 2021 khan Fatima Madrigal hian nau a vei a, phir zinga a upa zawk mipa Alfredo hi 11: 45 pm ah a piang. A nau hmeichhia Aylin hi 2022 ah khan a piang ve chiah thung.

“Ka fa phir ten birthday hran an nei tur hi a mak ka tiin kawng leh lamah chuan a nuam dangdai reuh phian ani” tiin Madrigal hian a sawi. Aylin leh Alfredo te hi an inthlauhna 15 minutes chauh ani bawk.

Nau a neihna damdawiin Natividad Medical Center te chuan an thil tawn hi a dangdai em vangin phir unau thlalak te hi an phochhuak. Phir ni si a pian kum in ang lo hi ‘1 in a 2 million chance’ khawpa vang a nih thu an sawi ve hial. Madrigal te chhungkaw doctor leh nau chhar tu Dr Ana Abril Arias pawh in hetiang thil hi a damchhunga a vawikhat tawnna hial a ni alo ti ve bawk.

Fatima Madrigal leh Robert Trujillo te nupa hian phir an neih hma hian fa 3 hmeichhia 2 leh mipa 1 an lo nei tawh. United State ah hian kum tin phir 1,20,000 an piang ziah ang a chhut a ni a, mahse heng zingah hian pian kum in ang lo erawh sawi tur an vang hle thung.

Fatima Madrigal chunga thleng ang chiah hian 31 December 2019 khan alo thleng tawh bawk a. Dawn Gilliam chuan Carmel, Indiana a Ascension St. Vincent Hospital ah phir hring in pakhat zawk 31 January 2019, 11:37 pm ah a pian laiin a phir pui hi 12.07 am,1 January 2020 ah khawvel eng a hmu ani.