Mizo Elite News hi ṭha i tihzawng a nih chuan min lo Follow dawn nia

Phir Lu A Inzawm Tlat Te Chu An Hmel An Inhmu Ve Thei Tawh

Israel ah unau phir hmeichhia pahnih te chu an pian tirhin lu inzawm in an piangchhuak a,kum 1 lek a upa niin a hnung lam zawnga an inchhawn tlat vangin hmel pawh an inhmu thei lo.

Tunlai thiamna sang zel chu he phir unau te hian an chhawr tangkai in an nun thlak danglam sak tu a ni. Doctor leh mithiam ten uluk leh ngun taka an ngaihtuah hnuah zai hran theih an ni an ti a, kar kalta khan Operation hi an nei.

Beersheba a Soroka Medical Centre ah chuan Operation hi neih a ni a hemi atan hian Israel a mithiam tak tak expert te leh hmun danga mite chuan an theihtawp an chhuah a ni.

Phir te hi August 2020 a piang an ni. Vanneihthlak takin Operation hi tluang taka neih theih a ni a phir unau lu inzawm te hi zai hran an nih hnu ah a vawikhat nan an hmel an inhmu tawn ve thei tawh.

Operation atan hian darkar 12 zet hun an hmang a. Tunah chuan an hriselna dinhmun pawh a tha in ngaihtuahawm an ni lo. “Heng surgery hi vang leh khirhkhan tak a ni a, khawvel ah pawh vawi 20 chiah la neih niin Israel ah phei chuan a vawikhat thlenna hial a ni” tiin Mickey Gideon, Soroka’s chief pediatric neurosurgeon chuan a sawi.

Dr Lazar, director of the paediatric intensive care unit, Soroka University’s medical centre pawhin eng emaw palh lo awm se thih leh dam inkar a ni tia a harsat zia a sawi, hetia hlawhtling taka inzaina an kalpui thei chu an lawm hle bawk a, thil chhinchhiah tlak tak tur a ni.