Mizo Elite News hi ṭha i tihzawng a nih chuan min lo Follow dawn nia

Philippines Ram Typhoon Thawka Nunna Chan Mi 200 Tling Tawh, Chin Hriat Loh Eng Emaw Zat Awm

Philippines ram chu Typhoon na tak in a nuai a, he chhiatna thleng ah hian mi 208 te chuan an nunna an chan tawh tih national police te chuan Thawhtanni khan an puang.

Typhoon Rai tia koh a ni a, mi tam takin nunna an chan bakah mi 239 in hliam an tuar a, 50 chuang chin hriat lohin tunah an awm mek a ni. Southern leh central regions te chu Typhoon Rai in a nuai nat zual an ni.

Mipui 300,000 chuang ten an sa himna turin an chenna in an chhuahsan a ngaih phah. Philippine Red Cross te chuan tuipui kam hnaih te chu thlivir chak tak hian a ching phar nasa tih an puang a. Chenna in, damdawiin,school leh community building te chu a tihchhiat nasat thu Red Cross Chairman Richard Gordon chuan a sawi.

He thlivir hian in chung te phawngin thingkung te chu a zungchawp in a phawng hlawk hlawk a Electric ban te a tlu nual. 2013 a Super Typhoon Haiyan nen te pawh khaikhin a tawk. Haiyan thawk kha Yolanda tia hriat ni bawkin chhiatna leh thihna a thlen nasat ber tum a ni. Super Typhoon Haiyan ah khan mi 7,300 chuang thi leh bo report ani.

Philippines ram hi tunhma pawh in Typhoon in chhiatna alo thlen fo tawh thin a, mitam takin harsatna namen lo tawkin an nunna hial in a tawrh phah.