Mizo Elite News hi ṭha i tihzawng a nih chuan min lo Follow dawn nia

Pawngsual A Nih Hnuah A Serh Ah Rod Hmanga Hawlh Zui Niin A Thi

Nitin mai hian pawngsual thleng hi hriat tur a awm deuh reng tih theih a ni. India ram Mumbai ah hmeichhia kum 30 mi chu pawngsual a nih hnu ah rawng taka sawisa in a hliam tuar lovin a thi tih hriat a ni.

Ningani zan a Sakinaka area of north-west Mumbai a thleng a ni. He hmeichhia hi pawngsual a nih hnu ah rod in vuak a ni a, a hnu ah pawngsual tu hian rod hi a serh ah a rawlh luh sak bawk a ni.

Watchman chuan Khairani Road a hmeichhe mangang tap thawm a hriat in Police te hnen ah a hrilh nghal thuai. Police ten hmeichhia hi thisen tam tak hloh leh nikhawhrelo in a let reng chu an hmu a, rang takin Ghatkopar a BMC’s Rajawadi Hospital ah hruai nghal a ni.

Pawngsual a nih bakah a serh ah rod hawlh luh a nih vang hian a hliam a na viau a, Inrinni khan a hliam tuar zo lovin a boral a ni. Pawngsualtu nia puh Mohan Chavan chu man a ni tawh tih Sakinaka Police Station Senior Police Inspector, Balwant Deshmukh chuan a puang.

Mohan Chavan hi IPC sections 307 (attempt to murder) leh 376 (rape) hmangin thubuai siam sak a ni a,Home Minister Diip Walse-Patil chuan misual hi a na thei ang bera hremna pek a nih tur thu a sawi a ni.