Mizo Elite News hi ṭha i tihzawng a nih chuan min lo Follow dawn nia

Pastor Leh Kohhran Upa Te Baptism Ceremony An Zawh Hnuah Vanduaina Tawkin Chesual

Brazil, Guarulhos ah October 25 khan chanchin duhawm loh tak mai hriat a ni.

Evangelical pastor pakhat Davi Santos (kum 40) leh kohhran upa Samuel Sergio (kum 38) te chu October 25 khan mi 8 te nen baptism pe turin Atibainha reservoir ah an kal a, hei hi south-eastern Brazilian municipality of Nazare Paulista ah a ni.

Samuel Sergio hi tuia current chak chuan man in, tuiah hian a tla zui ta mai a Davi Santos hi Samuel chhan a tumna lamah a chesual ve leh. A hmun a awm ve midang ten emergency services an pun nghal. Mahsela chhanchhuak tu te thlen a tui aṭang lakchhuah an nih chuan an lo thi fel der tawh.

Ruangte chu autopsy tura tih a ni a,Police ten investigation an nei nghal. An pahnih hian Pentecostal ‘Assembleia de Deus’ church a mi pawimawh tak an ni.

Missionary Jackson Jose Araujo de Jesus chuan Samuel chu inpumpek tak mi a ni a, mi tu pawh ṭha taka lo dawngsawng ṭhin a ni tiin a fak a, Pastor Erivan Gomes pawn an thlalak post in a ṭhian te chunga thil thleng chuan a ṭhawng hle a ni tih alo tarlang.

DS