Mizo Elite News hi ṭha i tihzawng a nih chuan min lo Follow dawn nia

Pasal Atan A Neih Duh Loh Vangin A Thinrim In Tuboh Hmangin A Chhu Hlum

Hmangaihna hi mi pahnih induhna atang a ni tur a ni a, mi pakhat duhna ringawt chu hmangaihna tluan tling a ni thei ngai lo.

Northwest Delhi’s Rohini ah tleirawl kum 17 a upa Neetu tia tarlan chu mipa pakhat Laik Khan chuan tuboh hmangin a chhu hlum tih TOI chuan a tarlang.

Laik Khan leh Neetu te hi an inhriatna pawh a rei tawh hle a, Laik Khan hian Neetu hi a hmangaih a, mahse Neetu hian a duh lo thung a ni. Nupui atan sawm hialin amaherawhchu Neetu hian inneihpuia a sawmna hi a lo hnar sak. Hei vang hian a thinrim chuan tuboh hmangin rawng takin a nunna a laksak.

Neetu cousin, Kaushal Kumar complaint atang Case hi register a ni. Kaushal hian TOI te a hrilh dan chuan Zirtawpni tlai lam dar 5pm khan a unaunu te in ah hian a kal. Laik Khan pawh in ah hian awm ve in a unaunu nen pawh an inbia. Dar6 velah Rs 200 a pe a, zanriah atan arsa leh thlai vel lei turin a hrilh. Thil leia a haw hnu ah chuan in chu a inkalh tlat bawk.

Neetu a call a, mahse a chhang thei lo. Hna atang a nu a lo hawn ah tuboh hmangin kawng khar chu an tichhia a, Neetu hi thisen tam tak chhuak in alo let reng tawh. Sanjay Gandhi Hospital ah an hruai a, mahse Doctor te chuan a thi fel diam tawh tih an sawi a ni.

Laik hian Neetu hi amah nei turin a lo nawr reng thin tih Kaushal hian a sawi bawk. Neetu pawh in a nu hnen ah Laik an thah tuma a vau thin thu te, a proposal leh alo hnar dan engkim hi a hrilh vek bawk. He hmeichhe tleirawl hi Class XI zirlai chauh a la ni nghe nghe.

Misual hi a tlanbo avang in zawn mek a ni a, nunna chanta Neetu hringtunu Rani Devi chuan a fanu that tu hi man a, a phu tawk hremna pe ngei turin thu neitu te a ngen.