Mizo Elite News hi ṭha i tihzawng a nih chuan min lo Follow dawn nia

Pasal Ah Dalit A Neih Vangin A Chhungten Tihluihna Hmangin An Chi Leh Kuang Zinga Mi Pasal Atan Neih Tir

Hmeichhia kum 24 a upa chuan hnam hnuaihnung Dalit mi pasal atan a neih vangin a chhung te chu nasa takin an thinrim tih hriat a ni a, tihluihna hmangin a duh loh tak neih luih tir a ni bawk.

Madhya Pradesh a Betul district a thil thleng a ni a, he hmeichhia hian March 2020 khan Dalit mi pasal ah a nei. A chhungte hnenah a hrilh a, mahse January 2021 khan mibo angin complaint an siam a, a sawidan in a pa hian hre reng chungin complaint hi a siam a ti.

A pa te lam in mibo anga thubuai an thlen hnu ah a chhungte chu a hmu leh ta ngei a, pasal atan Dalit a nei chu an lo pawm lo nasa mai. Nursing a zirna Hostel atang Rakshabandhan tiin an lachhuak. A pa leh a chhungte dang hian Hoshangabad a Narmada lui ah hruaiin hnam hnuaihnung zawk pasal atan a neih vangin intihthianghlim a ngai an ti.

Narmada ah hian an inbualfai tir a, a sam tlem chu an tan then bakah a kawr te chu lui ah paih nghal turin an hriattir. A hnu ah a pasal pawmlai chu then tur leh an chi leh kuang zinga mi chu pasal atan nei tura nawrluih a nih thu a sawi.

Hmeichhe thubuai thlen hmangin Police ten a pa leh a chhungte dang 3 lakah Case hi an ziaklut a,Zirtawpni khan Superintendent of Police (SP) Simala Prasad ah complain hi thehluh a ni.