Mizo Elite News hi ṭha i tihzawng a nih chuan min lo Follow dawn nia

Pasal A Neihna Ah A Bialpa Hlui In Telpuia Lawmpuina A Hlan Vangin Monu Awmngaihna A Hrelo

He thil thleng hi video in a viral nasa hle a, monu in a pasal neihni a a bialpa hlui hmel a han hmu thut chu tap chung leh aw rawl chhuah meuhin alo au a ni.

Inneihna hi Labuan Lombok Village, East Lombok, Indonesia ah December 12 (Inrinni) khan hman a ni a, mipa pakhat a inlan hma zawng kha chu mo Aollina Alfia Lestari leh mo neitu tur pawh hi an hlim dun hle.

Mahsela inneihna ah hian thil duhawm lo tak thlengin mo Aollina Alfia Lestari bialpa hlui Adrian Hidayat chuan a kawppui hlui ni ropui ber ah hian telpuiin lawmpuina a hlan ve a ni.

A bialnu hlui pasal neihna a a inlan erawh Adrian Hidayat hian a tisual hle zawk emaw tih mai turin a bialnu hlui leh a pasal thar te hi hlim reng tura duhsakna sangber a hlan lai chuan mo ber Aollina Alfia Lestari chu tap chungin a lo phusa chiam a,a bialpa hlui hma ah hian awmngaihna a hrelo a ni ber mai.

Video ah hian Adrian hi dawhsan a lawnchhoh lai in mipui ten an lo lawm dur dur a, mo ber erawh a awmdan a inthlak danglam nghal vek. Adrian hian mo neitu hi lawmpuiin a kuah hman nghe nghe a, amaherawhchu mo ber awmdan a dik tak loh vangin dawhsan atang hian hruai thlak a ni.

Tarlan dan chuan Adrian hi inneihna ah hian sawm lohin a kalve ringawt an ti a, Adrian erawhin sawmna a hmu ngei a, chu ni lo se a kal loh tur thu a sawi ve thung. Buaina siamtu nih chu a tum a nilo a, an inkarah nakin zela inzawmna tha an neih theihna turin an thutiam hriatpui ngei a tha nia a rin vang a ni a ti.

Hemi rual hian a tihsual ah ngaihdam a dil tel nghal bawk. A hnu ah mo neitu Dedi chuan engmah thil pawi liantham a thlen loh thu Media ah a hrilh a, a nupui chu ngaihdam a nih thu sawiin Aolinna pawn a chetdan ah a pasal leh a chhungte hnen ah thupha a chawi a ni.